ਮਾਏ ਨੀ ਮਾਏ
ਮੈਂ ਇਕ ਸ਼ਿਕਰਾ ਯਾਰ ਬਣਾਇਆ
ਉਹਦੇ ਸਿਰ ਤੇ ਕਲਗੀ
ਤੇ ਉਹਦੇ ਪੈਰੀ ਝਾਂਜਰ
ਤੇ ਉਹ ਚੋਗ ਚੋਗੀਦਾ ਆਇਆ
ਨੀ ਮੈਂ ਵਾਰੀ ਜਾਂ !
![shiv kumar shayari](https://punjabiwriter.com/wp-content/uploads/2024/01/Your-paragraph-text-6-1-1024x538.jpg)
ਇਕ ਉਹਦੇ ਰੂਪ ਦੀ ਧੁੱਪ ਤਿਖੇਰੀ
ਦੂਜਾ ਮਹਿਕਾਂ ਦਾ ਤਿਰਹਾਇਆ
ਤੀਜਾ ਉਹਦਾ ਰੰਗ ਗੁਲਾਬੀ
ਕਿਸੇ ਗੋਰੀ ਮਾਂ ਦਾ ਜਾਇਆ
ਨੀ ਮੈਂ ਵਾਰੀ ਜਾਂ !
ਨੈਣੀ ਉਹਦੇ ਚੇਤ ਦੀ ਆਥਣ
ਅਤੇ ਜੁਲਫੀ ਸਾਵਣ ਛਾਇਆ
ਹੋਠਾਂ ਦੇ ਵਿਚ ਕੱਤੇ ਦਾ
ਕੋਈ ਦਿਨ ਚੜਨੇ ਤੇ ਆਇਆ
ਨੀ ਮੈਂ ਵਾਰੀ ਜਾਂ !
![shiv kumar btalvi lines](https://punjabiwriter.com/wp-content/uploads/2024/01/Your-paragraph-text-7-1-1024x538.jpg)
ਸਾਹਵਾਂ ਦੇ ਵਿਚ ਫੁੱਲ ਸੋਈਆਂ ਦੇ
ਕਿਸੇ ਬਾਗ ਚਾਨਣ ਦਾ ਲਾਇਆ
ਦੇਹੀ ਦੇ ਵਿਚ ਖੇਡੇ ਚੇਤਰ
ਇਤਰਾਂ ਨਾਲ ਨਾਹੀਆ
ਨੀ ਮੈਂ ਵਾਰੀ ਜਾਵਾਂ ….
ਬੋਲਾਂ ਦੇ ਵਿਚ ਪੌਣ ਪੂਰੇ ਦੀ
ਨੀ ਉਹ ਕੋਇਲਮ ਦਾ ਹਮਸਾਇਆ
ਚਿਟੇ ਦੰਦ ਜੀਉ ਧਾਨੋ ਬਗ਼ਲਾਂ
ਤੋੜੀ ਮਾਰ ਉਡਾਇਆ
ਇਸ਼ਕੇ ਦਾ ਇਕ ਪਲੰਗ ਨੂੰਆਰੀ
ਅਸਾਂ ਚਾਨਣੀਆਂ ਚੋ ਡਾਹਿਆ ….
ਤਨ ਦੀ ਚਾਦਰ ਹੋ ਗਈ ਮੇਲੀ
ਉਸ ਪੈਰ ਜਾਂ ਪਲੰਗ ਪਾਇਆ
ਨੀ ਮੈਂ ਵਾਰੀ ਜਾਂ !
![shiv kumar lyrics](https://punjabiwriter.com/wp-content/uploads/2024/01/Your-paragraph-text-8-1-1024x538.jpg)
ਦੁਖਣ ਮੇਰੇ ਨੈਣਾ ਦੇ ਕੋਏ
ਵਿਚ ਹੜ੍ਹ ਹੰਜੂਆਂ ਦਾ ਆਇਆ
ਸਾਰੀ ਰਾਤ ਗਈ ਵਿਚ ਸੋਚਾਂ
ਉਸ ਇਹ ਕਿ ਜ਼ੁਲਮ ਕਮਾਇਆ
ਨੀ ਮੈਂ ਵਾਰੀ ਜਾਂ
ਸੂਬਾ ਸੁਵੇਰੇ ਲੈ ਨੀ ਵਟਣਾ
ਅਸਾਂ ਮਲ ਮਲ ਓਸ ਨੁਹਾਇਆ
ਦੇਹੀ ਵਿੱਚੋ ਨਿਕਲਣ ਚਿਣਗਾਂ
ਤੇ ਸਾਡਾ ਹੱਥ ਗਿਆ ਕੁਮਲਾਇਆ
ਚੂਰੀ ਕੁਟਾਂ ਤੇ ਉਹ ਖਾਂਦਾ ਨਾਹੀਂ
ਉਹਨੂੰ ਦਿਲ ਦਾ ਮਾਸ ਖਵਾਇਆ
ਇਕ ਉਡਾਰੀ ਐਸੀ ਮਾਰੀ
ਉਹ ਮੁੜ ਵਤਨੀਂ ਨਾ ਆਇਆ
ਨੀ ਮੈਂ ਵਾਰੀ ਜਾਂ
![shiv kumar btalvi](https://punjabiwriter.com/wp-content/uploads/2024/01/Your-paragraph-text-9-1-1024x538.jpg)
ਮਾਏ ਨੀ ਮਾਏ
ਮੈਂ ਇਕ ਸ਼ਿਕਰਾ ਯਾਰ ਬਣਾਇਆ